Nyhetsdetaljer | Distrikt 2305

Presidentskifte i Hareid og Ulstein Rotaryklubbar

Under ein felles seremoni måndag 24. juni fekk Hareid Rotaryklubb og Ulstein Rotaryklubb nye presidentar, Astrid Velle i Hareid og Thor Martin Eidem i Ulstein. I tillegg til preidentskiftet var det også guvernør-skifte, der Lidun Hareide tok over klubba.

Samlinga fann stad på Quality Hotel Ulstein, med Ulstein Rotary som arrangør. I tillegg til presidentskiftet var det også skifte av guvernør. Der tok Lidun Hareide over etter Anders Andersson. Sjå eigen artikkel om dette!

Første programpost under presidentskiftet var vakker musikk spelt av Oddgeir Nygjerde (el-piano) og Brage Skodjevåg Bø (euforium). Dei spelte «Vidda» av Ole Edvard Antonsen

Avtroppande president i Ulstein Rotaryklubb ønskte velkommen

Stig Ole Borgundvåg sa at klubbane på Søre Sunnmøre har eit godt samarbeid. Det siste året har Ulstein Rotary mellom anna blitt inviterte av Hareidsklubben til synfaring i det flotte vikinghuset som er bygd på dugnad i Hjørungavåg. Klubbane har elles hatt felles polioaksjon, og lyssett raudt kvar sin bygning i sentrum. Dette siste var ein aksjon som begge klubbane fekk inn ein del pengar på.

Hareid Rotary har også vore arrangør for eit Inter City-møte, der Kristine Haddal, som er både mor og managar til Karsten Warholm, heldt eit interessant foredrag om sonen.

Stig Ole Borgundvåg opplyste at Kristine Warholm blir eitt av trekkplastera under Distriktskonferansen som Ulstein Rotary skal arrangere i september i år.

Inneverande arbeidsår har vore prega av at vi skal arrangere Distriktskonferanse til hausten, sa Borgundvåg og nemnde spesielt Synnøve Riise, Thor Martin Eidem og AG Greta Herje som viktige medspelarar i planlegginga.

TO PRESIDENTSKIFTE

Ulstein Rotary var først ute med presidentskiftet. Der tek Thor Martin Eidem, som har vore president to gonger før, over. Han takka Borgundvåg for innsatsen.

Avtroppande president i Ulstein Rotary ønskjer Thor Martin Eidem til lykke med presidentåret. Det er tredje gong Eidem blir president i klubben. Som arrangør av Distriktskonferansen til hausten får han mykje å tenke på.

- Du imponerer meg. Du er fantastisk til å balansere tidsklemma - og du får tid til både jobb, familie og Rotary. Under di leiing har det aldri vore kort veg frå avgjerd til handling, og du har også løfta oss teknisk, slik at informasjonsflyten har blitt betre, sa Eidem.

I Hareid Rotary er det tradisjon for å bruke seremonimeister under preidentskifta, og seremonimeister Johan Ole Brandal kunne opplyse at skifte av president er ei av dei store hendingane i Rotary-året. Dei siste åra har skiftet foregått under ein rekefest i Brandal, men seremonimeisteren meinte det var stas å få vere saman med Ulstein Rotary under årets skifte.

Brandal takka avtroppande president Ove Midtflø for godt leiarskap.

Seremonimeister Johan Ole Brandal (delvis med ryggen til) takkar Ove Midtflø for innsatsen og ønskjer Astrid Velle lykke til som ny president i Hareid Rotaryklubb.

- Eg veit du har hatt det travelt på jobb det siste året, men det har du handtert på ein god måte, sa Brandal, som ønskte Astrid Velle velkomen som ny president. - Du har fått opplæring og inspirasjon til vervet og eg er trygg på at du har tenkt ut korleis du vil ha det i det neste år, sa Brandal – og flytta presidentkjedet frå Midtflø til Velle.

Ref. og foto: Anne Gry Eilertsen

12. januar 2023

Nytt år og nytt månedstema

Vel overstått jule- og nyttårs-feiring! Halve Rotary-året er allerede gått. Januar er her, - og bringer oss sitt månedstema-, som er ARBEID OG YRKESFAG. Hva kan Rotarianere bidra med? Rotary med sitt yrkesnettverk har ressurser til å gjøre en forskjell!

23. desember 2022

Fantastisk giverglede - mange strømaggregater er sikret!

Formidabel respons! Siden styret i Rotary D2305 i begynnelsen av desember oppfordret klubbene i distriktet til å bidra til finansieringen av strømaggregater til det krigsrammede folket i Ukraina, har klubber og enkeltmedlemmer vist stor giverglede.

13. desember 2022

Folket i Ukraina trenger hjelp i vinter

Styret i D2305 har besluttet at vårt distrikt skal koordinere kjøp av strømaggregater og forsendelse til Ukraina. Flere norske Rotaryklubber er allerede aktive som bidragsytere. Men hjelpebehovet i Ukraina er enormt. Klubbene oppfordres til å bidra!

13. desember 2022

Månedsbrev for desember

Distriktsguvernør Gunhild Aalstad har sendt ut månedsbrevet for desember der hun ønsker alle God Jul! Hun har nå besøkt de fleste klubbene, flere med jubileer. Særlig fokus nå: Alle klubber oppfordres til å støtte hjelpearbeidet for Ukraina! (se en sak!)