. 
I samband med Distriktskonferansen i Molde 21. – 23.
september var det rekordoppslutning av presentasjonar og utstillingar frå
klubbane i «Vennskapets Hus». Kjell Magne Bondevik kommenterer dette som Rotary
i praksis. To av
presentasjonane i sjølve konferansen var også i same gate: 10.000 Happy Birthdays
er eit samarbeidsprosjekt mellom Laerdal Global Health og Distrikt 2250. Målet
er å redde mor og nyfødde barn sine liv i lavressursland. Eit svært vellukka
prosjekt som så langt omfattar Zambia, Malawi, Etiopia, Rwanda og Tanzania. «Honoraret»
gjekk rett til prosjektet med 10.000 kroner i tilskot. Det same blei gjort med
«honoraret» til Anne Kjær Riechert som har bygd opp sin ReDI school i Berlin
som driv IT opplæring av flyktningar ved hjelp av frivillige og i nær kontakt
med potensielle arbeidsgjevarar. Det svært vellukka prosjektet fekk også 10.000
kroner i tilskot.
Det var inspirerande å vere saman med 170 engasjerte deltakarar i konferansen frå nesten alle klubbane i distriktet.
Distriktet
sitt årsmøte 23. september vedtok at 90.000 kroner av rekneskapsoverskotet frå
2017 – 18 skal disponerast som tilskot til klubbane. Distriktsguvernøren
saman med TRF ansvarleg i distriktet blei gitt fullmakt til å forvalte denne ramma.
Midlane blir utlyst på distriktet si heimeside med orientering om søknadsmåte.
Vi har som mål å behandle søknadene i god tid før jul.
Søknader om tilskot til prosjekt frå klubbane må ha
målsetting som fokuserer på ein av RI sine tre strategiar:
1) Støtte og styrke klubbane. 2) Lokal og global
samfunnsinnsats. 3) Rotary sitt omdøme i befolkninga.
Søknaden
må ha ei målsetting, ein kortfatta plan/tidsplan for gjennomføring, ei
budsjettskisse som viser summen av økonomiske og menneskelege ressursar i
prosjektet. Vi forutset at dei som får tilskot presenterer prosjektet på
distriktet sine heimesider.
Maksbeløp for ei tildeling er kr. 10.000. Søknadsfrist er 01. desember.
Ungdomsutveksling er eit viktig satsingsområde for Rotary og ein del av det fredsbevarende arbeidet. Å drive ungdomsutveksling sveiser klubben saman, og det er ein berikelse for klubben å ha innbound-student som klubbmedlem eit år. Det er også ein god måte å rekruttere nye og yngre medlemmer når klubben via ungdomsutveksling byggjer relasjonar til studenten sine foreldre og vertsfamiliar. Sjølv om søknadsfristen er ute 01. oktober kan vi ta imot søknader utover hausten. DYEO hjelper med det praktiske ved å fylle ut søknadsskjema og ved gjennomføring av intervju.
I samband med Distriktskonferansen var Rotary sitt samarbeid med Ungt Entreprenørskap drøfta i Distriktsrådet og i dei ulike presidentforum. Tilbakemeldingar er at fleire klubbar er positive til eit slikt samarbeid. Vi tenkjer oss eit samarbeid på to nivå, eit samarbeid mellom Distrikt 2305 og Ungt Entreprenørskap sine fylkesorganisasjonar i våre tre fylke og eit samarbeid mellom ein klubb og ein skole i nærmiljøet. Vi vil arbeide vidare og kome tilbake med meir konkrete tankar og forslag. I mellomtida må dette gjerne vere tema for diskusjon i eit klubbmøte. Det kan godt vere at klubben har medlemmer som har erfaring frå Ungt Entreprenørskap.
I forrige månadsbrev skreiv eg at eg ville drøfte spørsmålet om fellesreise med påmelding frå vårt distrikt i Distriktsråd 21. september. Distriktsrådet ønskjer god deltaking frå vårt distrikt. Omkvedet i debatten var at dette blir høve til ei stor oppleving nær oss, - eit sjeldant høve på nært hald å oppleve Rotary Convention. Konklusjonen var også at interessene og ønskje om reisemåtar vil vere så ulike at dette ikkje vil vere gunstig å arrangere som nokon fellestur. Mi oppmoding er at klubbpresidentane set temaet om deltaking i Hamburg på sakskartet for opplysning, oppmuntring og vurdering om nokon frå klubben drar til Hamburg for å oppleve RI Convention og Rotary si storheit 01. – 05. juni 2019. Eg er kjend med at klubbar er inne i desse vurderingane og det er flott. Gå inn i My Rotary og les programmet og invitasjonen. Det er gunstig å bestille før 15. desember. Lukke til, - håper at mange fra vårt distrikt kan oppleve Rotary Convention i Hamburg, og sjølvsagt også møtast i Hamburg
Nesten 800 millionar menneske lever på mindre enn 1,9 USD pr dag. Rotarymedlemmer er i dag sterkt engasjert i å hjelpe til med å finne berekraftige løysingar for framtida. 70% av dei fattigaste lever i rurale område og er avhengig av landbruk og arbeid som relaterer seg til landbruk. Fleire klubbar i vårt distrikt engasjerer seg i prosjekt som har som mål å bedre levekår i deler av verda der fattigdommen er størst og der små og smarte tiltak gjer ein vesentleg forskjell. Eg viser til nokre av desse i min guvernørtale i klubbane. Eg utfordrar også så sterkt eg kan klubbar til å utvikle nye prosjekt i samarbeid med lokale klubbar i deler av verda der levekår er vanskelege og berekraftige prosjekt vil gjere ein stor skilnad i mange sine liv. Du finn distriktet sin TRF komite på side 26 i Håndboka (sjå distriktet si heimeside: www.d2305.rotary.no). Denne komiteen er støttespelar for klubbar i planlegging. Både Global Grant midlar eller District Grant midlar kan løysast ut til slike prosjekt, - og erfaring viser at klubbar i vårt distrikt med stor fordel kan samarbeide.
Vennleg helsing
Arvid Blindheim
3. april 2024
Sammen med LVIV Bandura Music Group arrangerer Rotaryklubber i Norge en Norgesturne der vi får en unik mulighet til å høre konsert med deres nasjonalinstrumentet som betyr så mye for Ukrainas befolkning. Overskuddet går til nødhjelpsklinikker i Ukraina.
25. mars 2024
Påtroppende distriktsguvernør Lidun Hareide inviterer nå til styreseminar i Ålesund for D2305 Vest, og på Honne, Biri, for Øst. Målgruppe er Rotaryklubbenes styre/ tillitsvalgte for Rotaryåret 2024 - 25. Et svært nyttig seminar for alle med nye roller!
21. mars 2024
Nytt månedsbrev fra guvernør Anders Andersson! Han gir til beste mye nyttig informasjon i dette brevet, der han både poengterer hva som er vert å lese og hva som er vert å besøke. Påska nærmer seg, og han ønsker alle medlemmer med familier ei fin påske!
14. mars 2024
Rotarys tema for mars er VANN og gode SANITÆRFORHOLD. Rotary har flere små og store prosjekter i ulike verdensdeler der målet er å skaffe rent drikkevann. Rent vann er viktig for å sikre god helse og tilfredsstillende hygienske forhold i alle samfunn.
7. mars 2024
Gratulerer med dagen! 8. mars er verdens kvinnedag og den markeres over hele verden. Her i Norge har vi kommet langt i anstrengelsene for likestilling, men slik er det desverre ikke i alle land.
24. februar 2024
På 2-årsdagen for fullskalainvasjonen i Ukraina markerer mange Rotaryklubber i Norge sin støtte til det krigsrammede landet. Flere klubber har skrevet lesebrev til sin lokalavis og fått det på trykk idag.
21. februar 2024
Distriktsguvernør Anders Andersson's månedsbrev for februar er her nå. Her finner du aktuelt stoff fra Distrikt 2305, nytt fra distriktsadministrasjonen og komiteene, - informasjon om hva som skjer i Rotary nå og hva skjer framover.
18. februar 2024
Rotary's sommerleire er åpne for all ungdom mellom 13 og 24 år. Det er mange land å velge mellom. Likeså er det mange tema å velge mellom, og lengden på utvekslingsprogrammene er forskjellig. Mange spennende tilbud!
10. februar 2024
Rotary Distrikt 2305 holder styremøte, samt Midtveissamling med distriktsrådet på Dombås i helga 10.-11. februar. Godt planlagte møter med interesante innlegg og gode diskusjoner av viktige Rotary-saker!
